Ukrayna Azərbaycandan nə qədər neft tədarük edib?
10 Yanvar, 19:36   |    Baxış sayı: 69

Ukrayna Azərbaycandan nə qədər neft tədarük edib?

2018-ci ildə Ukrayna Azərbaycandan 407,104 mln. ABŞ dolları dəyərində neft tədarük edib.

Ukrayna mətbuatının verdiyi məlumata görə, bu barədə ölkənin Dövlət Fiskal Xidmətinin məlumatında deyilir.

Məlumata görə, ötən il ərzində Ukrayna İrandan 14,538 mln. dollar, Əlcəzairdən 7,176 mln. dollar dəyərində neft məhsulları tədarük edib. 2018-ci il ərzində digər ölkələrdən tədarük edilən neftin dəyəri isə 2,917 mln. dollar təşkil edib.

Ümumilikdə isə 2018-ci ildə isə Ukrayna 431,735 mln. dollar dəyərində neft idxal edib ki, bu da 2017-ci ilin müvafiq göstəricisi ilə müqayisədə 2,4% azdır.

Ukrayna 2018-ci ildə 766,832 min neft və neft məhsulları idxal edib ki, bu da 2017-ci ilin analoji dövrü ilə müqayisədə 24,3% azalma deməkdir.

Qeyd edək ki, hesabat dövründə Ukrayna neft məhsulları ixrac etməyib. //Report